Ευλογητός εί, Κύριε, δίδαξόν με τα δικαιώματά σου.
Τών Αγγέλων ο δήμος, κατεπλάγη ορών σε, εν νεκροίς λογισθέντα, του θανάτου δε Σωτήρ, την ισχύν καθελόντα, και σύν εαυτώ τον Αδάμ εγείραντα, και εξ Άδου πάντας ελευθερώσαντα.
Ευλογητός εί, Κύριε, δίδαξόν με τα δικαιώματά σου.
Τι τα μύρα, συμπαθώς τοις δάκρυσιν, ώ Μαθήτριαι κιρνάτε; ο αστράπτων εν τώ τάφω Άγγελος, προσεφθέγγετο ταις Μυροφόροις. Ίδετε υμείς τον τάφον και ήσθητε· ο Σωτήρ γάρ εξανέστη του μνήματος.
Ευλογητός εί, Κύριε, δίδαξόν με τα δικαιώματά σου.
Λίαν πρωΐ, Μυροφόροι έδραμον, προς το μνήμά σου θρηνολογούσαι· αλλ’ επέστη, προς αυτάς ο Άγγελος, και είπε· θρήνου ο καιρός πέπαυται, μη κλαίετε, την Ανάστασιν δέ, Αποστόλοις είπατε.
Ευλογητός εί, Κύριε, δίδαξόν με τα δικαιώματά σου.
Μυροφόροι γυναίκες, μετά μύρων ελθούσαι, προς το μνήμά σου, Σώτερ, ενηχούντο. Αγγέλου τρανώς, προς αυτάς φθεγγομένου· Τι μετά νεκρών, τον ζώντα λογίζεσθε; ως Θεός γάρ, εξανέστη του μνήματος.
Δόξα Πατρί και Υιώ και Αγίω Πνεύματι.
Τριαδικόν
Προσκυνούμεν Πατέρα, και τον τούτου Υιόν τε, και το Άγιον Πνεύμα, την Αγίαν Τριάδα, εν μια τη ουσία, σύντοίς Σεραφείμ, κράζοντες τό· Άγιος, Άγιος, Άγιος εί, Κύριε.
Και νύν και αεί και εις τους αιώνας των αιώνων Αμήν.
Θεοτοκίον
Ζωοδότην τεκούσα, ελυτρώσω Παρθένε, τον Αδάμ αμαρτίας, χαρμονήν δε τη Εύα, αντί λύπης παρέσχες, ρεύσαντα ζωής, ίθυνε προς ταύτην δέ, ο εκ σου σαρκωθείς Θεός και άνθρωπος.
Αλληλούϊα, Αλληλούϊα, Αλληλούϊα. Δόξα σοι ο Θεός,
Αλληλούϊα, Αλληλούϊα, Αλληλούϊα. Δόξα σοι ο Θεός,
Αλληλούϊα, Αλληλούϊα, Αλληλούϊα. Δόξα σοι ο Θεός, η Ελπίς ημών, Κύριε, Δόξα Σόι.